Manikkadave.com മണിക്കടവുകാരൻ


പ്രിയമുള്ളവരെ നമ്മളുടെ ഹയർ സെക്കന്ററി സ്കൂളിന്റെ ഭാഗമായിട്ടുള്ള ഹൈസ് വിഭാഗത്തിന് പുതിയ കെട്ടിടം നിർമ്മിക്കേണ്ടുന്ന അത്യാവശ്യ സാഹചര്യമാണ് നിലവിലുള്ളത്



Date : 06/29/2021

പ്രിയമുള്ളവരെനമ്മളുടെ ഹയർ സെക്കന്ററി സ്കൂളിന്റെ ഭാഗമായിട്ടുള്ള ഹൈസ് വിഭാഗത്തിന് പുതിയ കെട്ടിടം നിർമ്മിക്കേണ്ടുന്ന അത്യാവശ്യ സാഹചര്യമാണ് നിലവിലുള്ളത് '1976 ൽ നിർമ്മിച്ച കെട്ടിടം ഇന്ന് ബലക്ഷയം സംഭവിച്ച അവസ്ഥയിലാണുള്ളത്.നിലവിലുള കെട്ടിടം കാലാകാലങ്ങളിൽ ശരിയായ അറ്റകുറ്റപ്പണികൾ എടുക്കാത്തതിനാൽ സ്കൂൾ തുറന്നാൽ വിദ്യാർത്ഥികൾക്ക് ക്ലാസ്സ് റൂമുകളിൽ സുരക്ഷിതമായി ഇരിക്കാൻ സാധിക്കാത്ത അവസ്ഥയാണുള്ളത്.മാത്രമല്ല, മുൻപ് നിർമ്മിച്ച കല്ലു കെട്ടിടത്തിൽ ഇനി ക്ലാസ്സുകൾ പാടില്ലായെന്ന് ഡിപ്പാർട്ട്മെന്റ് തല നിർദ്ദേശം വന്നതായി അറിയാൻ കഴിഞ്ഞു.ഇതൊഴിവാക്കിയാൽ 16' ക്ലാസ്സു റൂമുകൾ വേണ്ടിടത്ത് 15 ക്ലാസ്സ് റൂമുകളേ ഇപ്പോൾ നിലവിലുള്ളൂ.വിദ്യാർത്ഥികൾക്കാവശ്യമായ ടോയിലറ്റ് സൗകര്യം, സയൻസ് ലാബ്, ലൈബ്രറി, റീഡിംഗ് റൂം, സ്റ്റോർ റൂം സിക്ക് റൂം എന്നിവയൊന്നും പ്രവർത്തിപ്പിക്കാൻ പറ്റാത്ത സാഹചര്യമാണുള്ളത്.ബലക്ഷയം സംഭവിച്ച കെട്ടിടത്തിന് ഫിറ്റസ് ലഭിക്കാത്ത സാഹചര്യമുണ്ട്. ഫിറ്റസ് ലഭിക്കാതിരുന്നാൽ സ്കൂൾ തുറന്ന് പ്രവർത്തിക്കുന്ന സാഹചര്യമുണ്ടായാൽ തന്നെ അതിന് കഴിയാത്ത അവസ്ഥ വരുംഇത് വിദ്യാർത്ഥികളുടെ പ0ന പ്രവർത്തനങ്ങളെ ഇല്ലാതാക്കും.ഈ സാഹചര്യങ്ങളെല്ലാം ഉണ്ടായിട്ടും മാനേജ്മെന്റ് പുതിയ കെട്ടിട നിർമാണത്തിന് യാതൊരു നടപടിയും സ്വീകരിക്കുന്നില്ല.നമ്മുടെ നാടിന്റെ ഏറ്റും അഭിമാനകരമായി നാം കരുതിപ്പോരുന്നതും, ഇപ്പോഴത്തെതും, വരും തലമുറയിൽപ്പെട്ടവരുമായ യുവാക്കൾക്കും, വിദ്യാർത്ഥികൾക്കും കായികപരിശീലനത്തിനുള്ള യു.പി.സ്കൂൾ ഗ്രൗണ്ടിൽ മാത്രമെ പുതിയ ഹൈസ്കൂൾ കെട്ടിടം പണിയൂ എന്ന വാശിയിലാണ് മാനേജ്മെന്റ്,നമ്മുടെ ഹയർ സെക്കന്ററി സ്കൂളിന് ആവശ്യമായ ടോയ് ലറ്റ് സൗകര്യം വേണ്ടതുണ്ട്യെന്ന് ബന്ധപ്പെട്ട ഡിപ്പാർട്ട്മെൻറിൽ നിന്നും മാസങ്ങൾക്ക് മുൻപേ നിർദ്ദേശം വന്നിട്ടും അത് നിർമ്മിക്കാനുള്ള യാതൊരു നടപടിയും മാനേജ്മെന്റ് സ്വീകരിച്ചിട്ടില്ല.ഇത് മൂലം ഹയർ സെക്കന്ററി വിഭാഗത്തിന്റെ അഫിലിയേഷൻ തന്നെ ഇല്ലാതായേക്കാം.നിലവിലുള്ള ഗ്രൗണ്ട് ഒരു കാരണവശാലും നഷ്ടപ്പെടരുത് എന്ന നിലപാടാണ് മൂന്ന് സ്കൂളിലേയും അദ്ധ്യാപകർക്കും ഉള്ളത്.കഴിഞ്ഞ ദിവസം കോർപ്പറേറ്റ് മാനേജരെ നേരിൽ കണ്ട് എല്ലാ കാര്യങ്ങളും ബോധ്യപ്പെടുത്തിയതാണ്. പക്ഷെ സംസാരത്തിൽ നിന്നും മനസിലാക്കാൻ കഴിഞ്ഞത്.ഈ കാര്യത്തിൽ അദ്ദേഹവും നിസഹായനാണന്നാണ്.പുതിയ സ്കൂൾ കെട്ടിട നിർമാണത്തിൽ മനേജ്മെന്റ് നടപടിയെടുക്കാത്തതിനാൽ നമ്മൾ ബന്ധപ്പെട്ട ഡിപ്പാർട്ട്മെന്റിൽ പരാതി നല്കേണ്ടതായി വരുo.ഡിപ്പാർട്ട്മെന്റ് തല ശക്തമായ ഇടപെടീൽ ഉണ്ടായാൽ മാനേജ്മെൻറിന് നടപടിയെടുത്തേ മതിയാകൂ. 





Please login to add comments.


Share in whatsapp