Manikkadave.com മണിക്കടവുകാരൻ


ഉളിക്കൽ ഗ്രാമ പഞ്ചായത്ത്‌ കോവിഡ് സുരക്ഷാ സമിതിയുടെയും വിവിധ രാഷ്ട്രീയ



Date : 05/07/2021

ഉളിക്കൽ ഗ്രാമ പഞ്ചായത്ത്‌ കോവിഡ് സുരക്ഷാ സമിതിയുടെയും വിവിധ രാഷ്ട്രീയ കക്ഷി നേതാക്കളുടെയും സംയുക്ത യോഗം 07.05.2021 ന് പഞ്ചായത്ത്‌ ഹാളിൽ വച്ചു ചേർന്നു.തീരുമാനങ്ങൾ ചുവടെ ചേർക്കുന്നു. 1. 08.05.2021 മുതൽ 16.05.2021 വരെ ഗവണ്മെന്റ് പ്രഖ്യാപിച്ചിട്ടുള്ള ലോക്ക് ഡൌൺ പഞ്ചായത്തിനകത്ത് പരിപൂർണമായി നടപ്പിലാക്കാൻ തീരുമാനിച്ചു. 2. നിത്യോപയോഗ സാധനങ്ങൾ വിൽക്കുന്ന കടകൾ (പലവ്യഞ്ജനം, പച്ചക്കറി, പാൽ, മത്സ്യം, മാംസം, ബേക്കറി,)രാവിലെ 7 മുതൽ ഉച്ചക്ക് 2 മണി വരെ മാത്രമേ തുറന്ന് പ്രവർത്തിക്കാവൂ.മറ്റ് സ്ഥാപനങ്ങൾ തുറന്ന് പ്രവർത്തിക്കാൻ പാടുള്ളതല്ല. 3. ഹോട്ടലുകൾ പാർസൽ സർവീസ് മാത്രം നടത്തേണ്ടതും വൈകുന്നേരം 6 മണി വരെ മാത്രം പ്രവർത്തിക്കേണ്ടതുമാണ്. 4. മെഡിക്കൽ സ്റ്റോറുകൾ പതിവുപോലെ പ്രവർത്തിക്കാവുന്നതാണ്. 5.കൃഷി, കാലിവളർത്തൽ അനുബന്ധ മേഖലയിൽ കോവിഡ് നിയന്ത്രണങ്ങൾ കർശനമായി പാലിച്ചു കൊണ്ട് പ്രവർത്തികൾ നടത്താവുന്നതാണ്. 6. ചികിത്സാവശ്യത്തിനും, കോവിഡ് വാക്‌സിനേഷനുമായി ബന്ധപ്പെട്ടും യാത്ര ചെയ്യുന്നത് അനുവദനീയമാണ്. 7. ആളുകൾ വീടിനോട് ഏറ്റവും അടുത്തുള്ള കടകളിൽ നിന്ന് സാധനങ്ങൾ വാങ്ങുക.കച്ചവടക്കാർ പരമാവധി ഹോം ഡെലിവറി സംവിധാനം നടപ്പിലാക്കേണ്ടതുമാണ്. 8. മരുന്ന് മറ്റ് അനുബന്ധ ആവശ്യങ്ങൾക്ക് വാർഡുതല സന്നദ്ധ പ്രവർത്തകരുടെ സേവനം പ്രയോജനപ്പെടുത്തേണ്ടതുമാണ്. യോഗത്തിൽ പഞ്ചായത്ത്‌ പ്രസിഡന്റ്‌ ശ്രീ പി സി ഷാജി അധ്യക്ഷത വഹിച്ചു. സെക്ടറൽ മജിസ്‌ട്രേറ്റ് ശ്രീ സജീവൻ, ഉളിക്കൽ എസ് ഐ, കോവിഡ് നോഡൽ ഓഫീസർ സുജേഷ്, പഞ്ചായത്ത്‌ വൈസ് പ്രസിഡന്റ് ശ്രീമതി ആയിഷ ഇബ്രാഹിം, ബ്ലോക്ക്‌ പഞ്ചായത്ത്‌ മെമ്പർ ശ്രീ ചാക്കോ പാലക്കലോടി, അസിസ്റ്റന്റ് സെക്രട്ടറി ശ്രീ ബാലകൃഷ്ണൻ, വിവിധ സ്റ്റാന്റിങ് കമ്മിറ്റി ചെയർമാൻ മാർ, വിവിധ രാഷ്ട്രീയ പാർട്ടി നേതാക്കൾ,വ്യാപാരി വ്യവസായി പ്രതിനിധികൾ തുടങ്ങിയവർ പങ്കെടുത്തു.



Please login to add comments.


Share in whatsapp